Y tîm
Yn y ffau…
Angharad Davies
Cyfarwyddwr
Sarah Jones
Uwch-Reolwr Ymgysylltu â Rhanddeiliaid
Daniel Taylor
Uwch-Reolwr Polisi a Materion Cyhoeddus
Nel Richards
Swyddog Cyfathrebu
Stan Senior
Rheolwr Polisi a Materion Cyhoeddus
Hannah Forshaw
Intern Cyfathrebu
Rosemary Grogan
Cynghorydd Strategol
Jo Hollowood
Dylunydd Graffeg
Branwen Gwyn
Cyfieithydd
Angharad Davies
Cyfarwyddwr
Angharad Davies yw sylfaenydd a Chyfarwyddwr Cadno. Mae ganddi bron i dri degawd o brofiad o reoli rhanddeiliaid ar ôl gweithio’n fewnol ar lefelau uwch i gorfforaethau mawr yn y sector rheoleiddiedig sy’n mynd trwy newid strwythurol mawr a phrosiectau buddsoddi sylweddol mewn seilwaith. Bu Angharad yn gweithio gyda San Steffan a Seneddwyr Ewropeaidd cyn gweithio ym maes polisi a materion cyhoeddus yn y sectorau addysg ac iechyd, i reoli cyfathrebu gwleidyddol yn fwy diweddar ar gyfer Grŵp y Post Brenhinol ac yna fel Pennaeth Materion Cyhoeddus y DU i BT Openreach. Yn wreiddiol o Geredigion, mae Angharad yn siarad Cymraeg a bellach yn byw yng Nghaerdydd. Mae’n aelod o Grŵp Strategaeth RenewableUK Cymru.
Sarah Jones
Uwch-Reolwr Ymgysylltu â Rhanddeiliaid
Mae Sarah Jones wedi gweithio gyda Cadno ers y dechrau ac mae ganddi brofiad cryf o reoli prosiectau a swyddfa. Bu’n gweithio yn y sector gwirfoddol gan arbenigo mewn ymgysylltu â’r gymuned, lle bu’n hwyluso grwpiau ffocws a gweithdai ar gyfer sefydliadau’r sector cyhoeddus, gan gynnwys awdurdodau lleol, a staff a gwirfoddolwyr hyfforddedig. Cyn hynny, roedd Sarah yn rheolwr prosiect ac yn hyfforddwr i elusen cyfiawnder troseddol, yn gweithio gyda staff, gwirfoddolwyr, dioddefwyr trosedd a throseddwyr, a bu’n gweithio fel rheolwr swyddfa i’r Weinyddiaeth Gyfiawnder a Gwasanaeth Carchardai EM. Yn wreiddiol o Ben-y-bont ar Ogwr, mae Sarah yn dysgu Cymraeg ar lefel uwch ac mae bellach yn byw yn y Barri.
Rosemary Grogan
Cynghorydd Strategol
Mae Rosemary Grogan yn darparu cyngor strategol, gan dynnu ar ei chyfoeth o brofiad fel un o’r ymarferwyr materion cyhoeddus uchaf ei pharch yn y DU. Mae Rosemary wedi rhoi cyngor materion cyhoeddus i nifer o gleientiaid ar ffermydd gwynt ar y tir ac ar y môr, a phrosiectau cysylltu â’r grid. Mae hi hefyd wedi gweithio gyda chleientiaid proffil uchel mewn manwerthu, bwyd a diod, gwastraff a gweithgynhyrchu. Treuliodd ugain mlynedd yn Llundain, lle bu’n gyfarwyddwr a sylfaenydd Westminster Strategy ac APCO UK, ac yn gynharach yn ei gyrfa bu’n Bennaeth Gwasanaeth Gwybodaeth i ASau yn Llyfrgell Tŷ’r Cyffredin. Mae hi’n byw yn y canolbarth.
Daniel Taylor
Uwch-Reolwr Polisi a Materion Cyhoeddus
Daniel Taylor sy’n arwain gwaith polisi a materion cyhoeddus Cadno, gan ddefnyddio ei brofiad ym meysydd polisi, monitro gwleidyddol ac ymgyrchoedd. Cyn hynny, bu’n gweithio i’r sefydliad monitro gwleidyddol Newsdirect Wales, yn ymdrin â’r Senedd a Senedd y DU ar gyfer amrywiaeth o gleientiaid yn y sector cyhoeddus, y sector preifat a’r trydydd sector ac yn arwain tîm Cymru fel Dirprwy Gyfarwyddwr. Cafodd Daniel brofiad o weithio mewn ymgyrchoedd gwleidyddol yn ystod Etholiadau’r Senedd yn 2021, gan gyfrannu at ymgyrch etholaethol lwyddiannus yn un o seddi mwyaf ymylol Cymru. Mae’n dysgu Cymraeg, yn frwd dros chwaraeon, ac yn byw ym Mro Morgannwg.
Nel Richards
Swyddog Cyfathrebu
Mae gan Nel gymysgedd nodedig o arbenigedd amgylcheddol, sgiliau cyfathrebu a phrofiad o ymgysylltu cymunedol. Ar ôl ennill BA mewn Cymraeg a Newyddiaduraeth o Brifysgol Caerdydd, cwblhaodd MSc mewn Amgylchedd, Gwleidyddiaeth a Datblygiad yng Ngholeg y Brenin, Llundain. Wedi’i gyrru gan ymrwymiad i gyfiawnder amgylcheddol a chymdeithasol, mae Nel wedi cyfrannu yn y maes hon drwy weithio gyda elusennau Ashden a Let’s Go Zero, ac fel newyddiadurwr llawrydd yn ysgrifennu am bynciau o gerddoriaeth byw i COP. Yn wreiddiol o Gwmtawe, mae Nel yn siaradwr Cymraeg sydd bellach yn byw yng Nghaerdydd.
Branwen Gwyn
Cyfieithydd
Mae Branwen wedi gweithio gyda Cadno ers 2020, yn arwain ar gyfieithu deunydd cyfathrebu ac ymgynghori. Mae ganddi MA mewn Astudiaethau Cyfieithu Proffesiynol o Brifysgol Aberystwyth, a bellach yn rhannu ei hamser rhwng cyfieithu a gweithio yn y byd teledu. Mae hi’n byw yng Nghaerdydd.
Jo Hollowood
Dylunydd Graffeg
Mae Jo yn arwain ar ddylunio deunydd ar draws pob cyfrwng, gan roi cyngor ar frandio. Hi yw sylfaenydd JHGD, sef asiantaeth ddylunio lwyddiannus, ac mae wedi bod yn darparu gwasanaethau dylunio hygyrch i’r sector ynni ers 10 mlynedd. Mae Jo a Cadno wedi cydweithio’n dda ar brosiectau ynni adnewyddadwy ers 2022. Mae hi’n byw yn Aberystwyth.
Stan Senior
Rheolwr Polisi a Materion Cyhoeddus
Mae Stan Senior yn gweithio ar waith polisi a materion cyhoeddus Cadno, yn cyfuno profiad monitro gwleidyddol, polisi ac ymgyrchon. Yn flaenorol, arweiniodd ar bolisi tai Cyngor Ffoaduriaid Cymru, gan hefyd arwain briff tai, diwylliant a’r Gymraeg gyda Newsdirect/DeHavilland Cymru fel Uwch Ddadansoddwr Polisi. Yn wreiddiol o dre Conwy yng ngogledd Cymru cyn symud i Gaerdydd ar gyfer prifysgol, mae’n rhugl yn y Gymraeg ac yn ddysgwr canolraddol Sbaeneg. Yn ei amser sbâr, mae’n mwynhau rhedeg pellterau hir ac yn gefnogwr brwdfrydig o griced sy’ nawr yn byw ym Mhenarth.
Hannah Forshaw
Intern Cyfathrebu
Mae Hannah yn raddedig gyda chefndir addysg amrywiol. Ar ôl cwblhau gradd israddedig mewn Economeg Busnes ym Mhrifysgol Lerpwl, arhosodd i astudio MSc mewn Asesu a Rheoli Amgylcheddol. Mae ganddi ddiddordeb brwd mewn rheolaeth amgylcheddol ac mae’n ymgymryd â lleoliad gwaith fel ymgynghorydd EIA ochr yn ochr a’i hinteriaeth yn Cadno, gan ddarparu mewnwelediad cyflenwol a chyfannol i brosiectau seilwaith. Mae Hannah newydd ddychwelyd o deithio De-ddwyrain Asia, ac yn ddiweddar wedi symud i Gaerdydd o Lundain. Mae hi’n ddysgwr Cymraeg.